დისტანციური სწავლება

დისტანციური სწავლება დიდი ხანი პოპულარულია საზღვარგარეთ. თანამედროვე ტექნოლოგიების დახმარებით ცოდნის მიღება მარგინალურად დაბალ ფასად ან სულაც უფასოდ გახდა შესაძლებელი. თანაც ეს ცოდნა არის მაღალი ხარისხის და იძლავა იმის საშუალებას, რომ გლობალურ შრომის ბაზარზე იყოთ კონკურენტული, გქონდეთ . პრაქტიკულად ისეთივე ხელფასი, რაც დასავლეთშია და უფრო სტაბილური სამუშაო მოიპოვოთ.

ჩვენ ვთავაზობთ სკოლებს, პროფესიულ სასწავლებლებს, უნივერსიტეტებს ან ნებისმიერ დაინტერესებულ პირს, მისაღებ ფასად დავუმზადოთ სასწავლო პლატფორმა ქართულ ენაზე, რომელიც საშუალებას მისცემთ მათ ასწავლონ დისტანციურად მოსწავლეებს და სტუდენტებს, ონლაინ პლატფომებზე განათავსონ ნებისმიერი სირთულის კურსები, ნებისმიერი ფორმით (ელექტრონული წიგნები,დოკუმენტაცია, ვიდეო კონტენტი), ჩაატარონ ქვიზები დაგეგმილ დროს და პერიოდში. გასცენ სერთიფიკატები, მოახდინონ მათი ავტომატური გენერაცია ონლაინში.

ეს კურსები იქნება დახურული და მხოლოდ მსმენელებს შეეძლებათ მათი ნახვა.

ნიკო მჭედლიშვილი

 

აპარტამენტების საპრეზენტაციო აპლიკაცია

ნებისმიერი ბიზნესისათვის კრიტიკულად მნიშვნელოვანია დივერსიფიცირებული გაყიდვების არხების არსებობა. პირველი შთაბეჭდილება პოტენციურ მომხმარებელს კომპანიაზე ექმნება ვებ-გვერდით, მისი ფუნქციონალით და შინაარსით. ჩვენ ყველამ ვიცით ბევრი ძალიან კარგი ქართული კომპანია, პროფესიონალი მენეჯერებით, მაგრამ maT არ უვარგათ ვებ-გვერდები.

წარმოიდგინეთ, ამ კომპანიებს რომ ჰქონდეთ გაცილებით მიმზიდველი და ფუნქციონალური აპლიკაციები, მათ კიდევ უფრო მეტი მომხმარებელი ეყოლებოდათ, და გაცილებით უფრო მეტად კმაყოფილები იქნებოდნენ ისინი.

მე და ჩემმა ბევრმა მეგობარმა ბინები შეარჩიეთ დეველოპერული კომპანიების ვებ-საიტების ვიზიტების და მათი შესწავლის შემდეგ. სერიოზულ და დიდ დეველოპერულ კომპანიებს საქართველოში აქვთ კარგი საიტები, სადაც თქვენ შეგიძლიათ ბინების არჩევა, გეგმარების ნახვა და ფასების შედარება.

თუმცა ბევრ კომოანიას, განსაკუთრებით მათ ვინც შედარებით დაბალ საფასო სეგმენტში ოპერირებენ, ასეთი ვებ-გვერდები არ აქვთ. სწორედ ასეთ კომპანიებს ვთავაზობთ ჩვენ სპეციალურ აპლიკაციებს, რაც მათ ბინების გაყიდვაში დაეხმარებათ.

ეს აპლიკაცია მისცემს პატარა და საშუალო მასშტაბის დეველოპერებს შედარებით იაფად მიიღონ ინტერნეტ-გაყიდვების არხი, რომელიც პოტენციურ მომხარებელს აჩვენებს პროექტის ტეროტიორიის მთლიან გეგმარებას, ერთი ცალკეული შენობის გეგმარებას და ამა თუ იმ ბინის ნახაზს. გარდა ამისა, მომხმარებელს შეეძლება ამ ნახაზის ჩამოტვირთვა და სხვისთვის ჩვენება, ან ამ ნახაზზე დაყრდნობით გარკვეული ცვლილებების მოთხოვნა დეველოპერისათვის.

ნიკო მჭედლიშვილი

 

კორონავირუსი და ელექტრონული კომერცია

კორონავირუსის გავრცელების გამო განვითარებული მსოფლიო კრიზისი ჯერ არ დასრულებულა, თუმცა უკვე ნათელია, რომ მსოფლიო დიდად იქნება განსხვავებული იმისაგან, რაც კრიზისამდე იყო. საქართველოც სხვანაირი იქნება, იქიდან გამომდინარე, რომ ჩვენ მსოფლიო ეკონომიკის ნაწილი ვართ, და საქართველოს შიგნითაც რეალობა იცვლება.

რა გვაჩვენა ვირუსმა საქართველოში? ყველაზე სტაბილური ბიზნესები აღმოჩნდნენ ისინი, ვინც ყველაზე ადრე მოახდინა ადაპტირება ახალ რეალობასთან და ელექტრონული კომერციის დანერგვა მოახერხა, ან უკვე ჰქონდა ინტერნეტით გაყიდვის არხები აწყობილი.

ქართული კონსერვატიული საზოგადოების ნაწილს დიდად არ ეხატებოდა გულზე ინტერნეტ-გაყიდვები, თუმცა ახალ ვითარებაში იძულებული გახდა აქტიურად მიემართა ამ არხებისათვის, იმისათვის რომ უბრალოდ არ დამშეულიყო. სუპერმარკეტებში ხშირად უსაშველო რიგები იდგა, და თან ამ რიგებში დგომა საშიშიც იყო ჯანმრთელობისათვის.

ჩემი აზრით, ძალიან ბევრი ადამიანი საქართველოში, რომელიც აქამდე ალმაცერად უყურებდა ინტერნეტით რაიმეს ყიდვას და ხშირად არ ენდობოდა ამა თუ იმ პორტალს, ეხლა უფრო გაბედულად იყიდის ინტერნეტში.

გარდა ამისა, ბევრი ბიზნესი მიხვდა, რომ მხოლოდ რეალური ოფისის ამარა ყოფნა აღარ არის სტაბილურობის გარანტია და ინტერნეტ-სივრცეში ყოფნაც აუცილებელი ხდება. გარდა ამისა, ამან შეიძლება რეალური ოფისის საჭირობეაც კი მოხსნას და მხოლოდ ვირტუალურ სივრეში ოპერაციების წარმოებით მშვენიერი ბიზნესი შეიძლება გაკეთდეს. ეს კი ზედმეტი ხარჯების მოშორების კარგი საშუალებაც შეიძლება აღმოჩნდეს.

მოკლეთ, ვურუსმა სერიოზულად დაარტყა ეკონომიკას, არა მარტო ჩვენი, არამედ მსოფლიოს დიდი ეკონომიკებსაც, მაგრამ სწორედ ასეთ კრიზისებში იბადება ხოლმე ახალი შესაძლებლობები.

ნიკო მჭედლიშვილი

 

 

 

 

error: Content is protected !!